Ուղեցույցներ · Թղթաբանություն

Ինչպես գրավոր խնդրել տանտիրոջը վերանորոգում կատարել

Հեղինակ՝ Ռեզա Քուվեյթի · 2026 թ. հոկտեմբերի 30

Հստակ, գրավոր վերանորոգման խնդրանքը Ձեր լավագույն ապացույցն է։ Ահա թե ինչպես փաստագրել խնդիրը, ուղարկել խնդրանքը և կրկին դիմել՝ նամակների օրինակներով, որոնք կարող եք պատճենել։

1. Նախ փաստագրեք խնդիրը

Նախքան որևէ բան գրելը, հավաքեք ապացույցներ։ Լավ փաստագրված խնդրանքը հստակ է, և այն դժվար է անտեսել։

• Հստակ լուսանկարեք խնդիրը կամ նկարահանեք կարճ տեսանյութեր՝ մոտիկից և սենյակի մյուս ծայրից։
• Գրի առեք այն ամսաթիվը, երբ առաջին անգամ նկատել եք խնդիրը, և թե ինչպես է այն ազդում առօրյա կյանքի վրա։
• Պահեք այդ մասին ավելի վաղ գրված SMS-ները, էլ. նամակները կամ պորտալի հաղորդագրությունները։
• Վարեք պարզ գրանցամատյան՝ յուրաքանչյուր ամսաթիվ, ինչ է տեղի ունեցել և ում հետ եք կապվել։

2. Իմացեք, թե տանտերն ինչը պետք է պահի սարքին վիճակում

Կալիֆոռնիայում տանտերը պարտավոր է Ձեր բնակարանը պահել «բնակելի» վիճակում, այսինքն՝ անվտանգ և ապրելու համար պիտանի։ Նահանգի՝ վարձակալների համար ուղեցույցում նշված են, օրինակ, հետևյալները․

• Սարքին ջրամատակարարում և կոյուղի, ներառյալ տաք և սառը ջուր
• Ջեռուցում
• Անվտանգ և սարքին էլեկտրալարեր և լուսավորություն
• Պատեր և տանիք, որոնք պաշտպանում են անձրևից և քամուց
• Անվնաս պատուհաններ և դռներ՝ սարքին կողպեքներով
• Սարքին ծխի և շմոլ գազի ազդանշանիչներ
• Կրծողների և միջատների դեմ պայքար
• Առողջության համար վտանգավոր խնդիրների վերացում, օրինակ՝ տեսանելի բորբոսի կամ խոնավության

Մյուս նահանգներն ունեն իրենց կանոնները։ Եթե վարձակալում եք Կալիֆոռնիայից դուրս, գտեք Ձեր նահանգի վարձակալների պաշտոնական ուղեցույցը։

3. Գրեք հստակ խնդրանք

Կալիֆոռնիայի վարձակալների պաշտոնական ուղեցույցում ասվում է, որ պետք է տանտիրոջը տեղեկացնել գրավոր և պահել պատճենը։ Այնտեղ նաև ասվում է, որ պետք է մանրամասն նկարագրել խնդիրը և անհրաժեշտ վերանորոգումը։ Նշեք․

• Ձեր անունը, հասցեն և բնակարանի համարը
• Ինչն է անսարք, որտեղ է, և երբ է սկսվել խնդիրը
• Ինչպես է այն ազդում Ձեզ վրա, օրինակ՝ տաք ջուր չկա
• Օրերն ու ժամերը, երբ վերանորոգման համար կարելի է մտնել բնակարան
• Ամսաթիվը, մինչև որը ցանկանում եք պատասխան ստանալ
• Նշում, որ լուսանկարները կցված են

Գրեք հանգիստ տոնով՝ հիմնվելով փաստերի վրա։ Ստորագրեք և նշեք ամսաթիվը։

Այս հաղորդագրությունն անգլերենով է, քանի որ այն ուղարկվում է ամերիկյան ընկերության։ Լրացրեք [քառակուսի փակագծերում] նշված տեղերը։

[Date]

To: [Landlord or property manager name]
Re: Repair request for [address, unit number]

Hello [name],

I am writing to request a repair at my unit, [address, unit number].

The problem: [describe it, for example "the bathroom sink leaks under the cabinet and the floor is wet"].
Where: [room or area]
First noticed: [date]
How it affects us: [for example "we cannot use the sink, and the cabinet floor is getting soft"]

I have attached photos taken on [date].

The unit can be accessed on [days and times]. Please contact me at [email] to schedule the repair.

Please reply by [date] to confirm when the repair will be made.

Thank you,
[Your name]
[Signature]

4. Ուղարկեք այնպես, որ կարողանաք ապացուցել

Օգտագործեք այն եղանակը, որը նշված է Ձեր վարձակալության պայմանագրում կամ որը խնդրում է տանտերը, օրինակ՝ էլ. փոստ կամ վարձակալների առցանց պորտալ։ Պահեք Ձեր ուղարկածի պատճենը կամ էկրանի նկարը՝ ամսաթվով և հաստատման համարով, եթե այդպիսին կա։

Կալիֆոռնիայի վարձակալների պաշտոնական ուղեցույցը նաև խորհուրդ է տալիս էլ. փոստով կամ SMS-ով ուղարկված ծանուցումից հետո ուղարկել նաև թղթային նամակ։ Այն առաջարկում է պատվիրված նամակ՝ հանձնման ծանուցմամբ (certified mail with return receipt)։ Օրենքը դա չի պահանջում, բայց դա ապացույց է, որ նամակը հասել է։ Կարող եք նաև նամակն անձամբ հանձնել և խնդրել ստորագրված ու ամսաթվով ստացական։

Ամեն ինչ պահեք մեկ թղթապանակում՝ Ձեր խնդրանքը, լուսանկարները, առաքման ապացույցը և բոլոր պատասխանները։

5. Տվեք ողջամիտ ժամանակ, ապա կրկին դիմեք

Թե որքան ժամանակն է ողջամիտ, կախված է խնդրից։ Կալիֆոռնիայի վարձակալների պաշտոնական ուղեցույցում ասվում է, որ օրենքը սովորաբար 30 օրը համարում է ողջամիտ։ Այնտեղ նաև նշվում է, որ իրավիճակից կախված՝ ավելի կարճ ժամկետը նույնպես կարող է ողջամիտ լինել։

Օրինակ՝ ըստ ուղեցույցի, շատ ցուրտ եղանակին անսարք ջեռուցման համակարգի դեպքում մեկից երկու օրը կարող է ողջամիտ լինել։ Հրատապ խնդիրները պահանջում են ավելի արագ պատասխան։

Եթե Ձեր նշած ամսաթիվն անցել է, իսկ պատասխան չկա, գրավոր ուղարկեք մեկ կարճ կրկնակի դիմում։ Հղում արեք Ձեր առաջին խնդրանքին՝ նշելով դրա ամսաթիվը։

Այս հաղորդագրությունն անգլերենով է, քանի որ այն ուղարկվում է ամերիկյան ընկերության։ Լրացրեք [քառակուսի փակագծերում] նշված տեղերը։

Hello [name],

I am following up on my repair request dated [date] for [address, unit number]. The problem was: [one-line description].

As of today, [the repair has not been made / I have not received a reply]. [Add any change, for example "the leak has gotten worse."]

Please reply by [date] with the date the repair will be made. A copy of my first request is attached.

Thank you,
[Your name]

Կալիֆոռնիայի ուղեցույցում նաև ասվում է, որ տանտերը չի կարող Ձեր դեմ վրեժխնդրական քայլեր ձեռնարկել այն բանի համար, որ վերանորոգում եք խնդրել։

6. Եթե վերանորոգումը դեռ չի արվում, դիմեք պաշտոնական օգնության

• Ձեր քաղաքի շինարարական նորմերի վերահսկողության (code enforcement) կամ շինարարության բաժինը կամ Ձեր շրջանի (county) առողջապահական վարչությունը։ Կալիֆոռնիայի ուղեցույցի համաձայն՝ քաղաքը կամ շրջանը պետք է զննի Ձեր բնակարանը և պահանջի, որ տանտերը վերացնի հայտնաբերված խախտումները։ Տրամադրեք Ձեր խնդրանքների և լուսանկարների պատճենները։
• Անվճար իրավական օգնություն։ Անվճար իրավական օգնության ոչ առևտրային կազմակերպություններն օգնում են շատ վարձակալների։ Ձեզ մոտ գտնվող կազմակերպություն կարող եք գտնել LawHelpCA.org կայքում։
• Կալիֆոռնիայի դատարանների ինքնօգնության ուղեցույց (California Courts Self-Help Guide)։ selfhelp.courts.ca.gov կայքը բացատրում է դատական տարբերակները և ներկայացնում դատարանի անվճար ինքնօգնության կենտրոնների (Self-Help Center) ցանկը։
• Վարձակալների տեղական ծրագրեր։ Որոշ քաղաքներում կա նաև վարձավճարների խորհուրդ (rent board) կամ վարձակալների ծրագիր, որը քննում է բնակարանային բողոքները։

7. Վարձավճարը պահելու կամ «վերանորոգել և հանել վարձից» (repair and deduct) սկզբունքի մասին

Կալիֆոռնիայի օրենքը հատուկ կանոններ ունի վարձավճարը պահելու (չվճարելու) կամ վերանորոգման համար ինքներդ վճարելու և այդ գումարը վարձավճարից հանելու վերաբերյալ։ Նահանգը զգուշացնում է, որ վարձավճարը պահելը կարող է Ձեզ վտարման վտանգի ենթարկել։

Նախքան այս տարբերակներից որևէ մեկի մասին մտածելը կարդացեք Կալիֆոռնիայի վարձակալների պաշտոնական ուղեցույցը և խորհրդակցեք անվճար իրավական օգնության կազմակերպության հետ։

Սա միայն ընդհանուր տեղեկատվություն է և իրավական խորհրդատվություն չէ։ Վարձակալների կանոնները տարբեր են ըստ նահանգի և քաղաքի, ուստի ստուգեք Ձեր նահանգի կամ տեղական իշխանությունների՝ վարձակալների պաշտոնական ուղեցույցը։